|
1
|
அன்புக்குரிய காயு அவர்களுக்கு, மூப்பனாகிய நான் எழுதுவது: அன்புக்குரியவரே, உம்மீது உண்மையான அன்புகொண்டுள்ள நான், |
|---|
|
2
|
நீர் ஆன்ம நலத்தோடு இருப்பதுபோல, உடல் நலத்தோடு இருக்கவும், எல்லாம் இனிதே நடைபெறவும் வேண்டுமெனச் செபிக்கிறேன். |
|---|
|
3
|
நீர் உண்மையில் நிலைத்திருந்து, உண்மைக்கேற்ப நடந்து வருகிறீர் என இங்கு வந்த சகோதரர் சிலர் சான்று பகர்ந்தனர். |
|---|
|
4
|
என் மக்கள் உண்மைக்கேற்ப நடக்கின்றனர் என்று கேள்விப்படுவதைவிட மேலானதொரு மகிழ்ச்சி எனக்கில்லை. |
|---|
|
5
|
அன்புக்குரியவரே, சகோதரர்களுக்காக- அதுவும் அந்நியரான சகோதரர்களுக்காக- நீர் உழைக்கும்போதெல்லாம் கடமை தவறாதவராய் விளங்குகிறீர். |
|---|
|
6
|
இவர்கள் எங்கள் சபையின் முன்னிலையில் உமது அன்புக்குச் சான்று பகர்ந்தனர். கடவுளுக்குகந்த முறையில் அவர்களை நீர் வழியனுப்புவீராகில் நலமாயிருக்கும். |
|---|
|
7
|
அவர்கள் கிறிஸ்துவின் பெயருக்காகப் பயணத்தை மேற்கொண்டார்கள்; வழியில் புறமதத்தாரிடமிருந்து எதையும் பெற்றுக்கொள்ளவில்லை. |
|---|
|
8
|
ஆகவே, இத்தகையோரை ஆதரித்து, உண்மைக்காகப் பணிபுரியும் அவர்களுடன் ஒத்துழைக்கவேண்டும். |
|---|
|
9
|
சபைக்கு நான் கடிதமொன்றை எழுதியுள்ளேன். ஆனால் தன்னைத் தலைவனாக்கிக் கொள்ள விரும்பும் தியோத்திரேப்பு எங்களை மதிப்பதில்லை. |
|---|
|
10
|
அவன் செய்து வருவதையெல்லாம் எடுத்துக் காட்டுவேன். அவன் எங்களுக்கு எதிராகப் பொல்லாதன பிதற்றுகிறான். அத்தோடு நின்றுவிடாமல், அவன் சகோதர்களை ஏற்றுக்கொள்ள மறுக்கிறான்; ஏற்றுக்கொள்ள விரும்புகிறவர்களையும் தடை செய்கிறான்; அவர்களைச் சபைக்கு வெளியேயும் தள்ளுகிறான். |
|---|
|
11
|
அன்புக்குரியவரே, தீமையைப் பின்பற்ற வேண்டாம்; நன்மையைப் பின்பற்றும்; நன்மை செய்கிறவன் கடவுளைச் சார்ந்தவன்; தீமை செய்கிறவன் கடவுளைக் கண்டதில்லை. |
|---|
|
12
|
தேமேத்திரியுவைப்பற்றி அனைவரும் நற்சான்று கூறுகின்றனர்; உண்மையுமே நற்சான்று கூறுகிறது; நாங்களும் கூறுகிறேம்; |
|---|
|
13
|
எங்கள் சான்று உண்மை என நீர் அறிவீரன்றோ? உமக்கு எழுதவேண்டிய செய்திகள் பல உண்டு: இருப்பினும் எழுத்து வடிவில் சொல்ல நான் விரும்பவில்லை. |
|---|
|
14
|
விரைவில் உம்மைக் கண்டு, நேரில் பேசலாம் என எதிர்பார்க்கிறேன். (15) உமக்குச் சமாதானம் உண்டாகுக. அன்பர்கள் உமக்கு வாழ்த்துத் தெரிவிக்கிறார்கள். அங்குள்ள ஒவ்வோர் அன்பருக்கும் தனித்தனியே வாழ்த்துக் கூறவும். |
|---|
|
15
|
உமக்கு அமைதி உரித்தாகுக! இங்குள்ள நண்பர்கள் உமக்கு வாழ்த்துக் கூறுகிறார்கள்; அங்குள்ள நண்பர்கள் ஒவ்வொருவருக்கும் தனித்தனியே வாழ்த்துக் கூறவும். |
|---|
3-John 1:2 Tamil Language Bible Words basic statistical display
COMING SOON ...