English Bible Languages

Indian Language Bible Word Collections

1	א למנצח מזמור לדוד שיר

2	ב לך דמיה תהלה אלהים בציון ולך ישלם-נדר

3	ג שמע תפלה-- עדיך כל-בשר יבאו

4	ד דברי עונת גברו מני פשעינו אתה תכפרם

5	ה אשרי תבחר ותקרב-- ישכן חצריך נשבעה בטוב ביתך קדש היכלך

6	ו נוראות בצדק תעננו-- אלהי ישענו מבטח כל-קצוי-ארץ וים רחקים

7	ז מכין הרים בכחו נאזר בגבורה

8	ח משביח שאון ימים--שאון גליהם והמון לאמים

9	ט וייראו ישבי קצות--מאותתיך מוצאי בקר וערב תרנין

10	י פקדת הארץ ותשקקה רבת תעשרנה-- פלג אלהים מלא מים תכין דגנם כי-כן תכינה

11	יא תלמיה רוה נחת גדודה ברביבים תמגגנה צמחה תברך

12	יב עטרת שנת טובתך ומעגליך ירעפון דשן

13	יג ירעפו נאות מדבר וגיל גבעות תחגרנה [ ( ) יד לבשו כרים הצאן-- ועמקים יעטפו-בר יתרועעו אף-ישירו ]