English Bible Languages

Indian Language Bible Word Collections

1	א וימן יהוה דג גדול לבלע את יונה ויהי יונה במעי הדג שלשה ימים ושלשה לילות

2	ב ויתפלל יונה אל יהוה אלהיו ממעי הדגה

3	ג ויאמר קראתי מצרה לי אל יהוה--ויענני מבטן שאול שועתי שמעת קולי

4	ד ותשליכני מצולה בלבב ימים ונהר יסבבני כל משבריך וגליך עלי עברו

5	ה ואני אמרתי נגרשתי מנגד עיניך אך אוסיף להביט אל היכל קדשך

6	ו אפפוני מים עד נפש תהום יסבבני סוף חבוש לראשי

7	ז לקצבי הרים ירדתי הארץ ברחיה בעדי לעולם ותעל משחת חיי יהוה אלהי

8	ח בהתעטף עלי נפשי את יהוה זכרתי ותבוא אליך תפלתי אל היכל קדשך

9	ט משמרים הבלי שוא--חסדם יעזבו

10	י ואני בקול תודה אזבחה לך אשר נדרתי אשלמה ישועתה ליהוה {ס} [ ( ) יא ויאמר יהוה לדג ויקא את יונה אל היבשה {פ} ]

Jonah 2 Verses

1
2
3
4
5
6
7
8
9
10