English Bible Languages

Indian Language Bible Word Collections

1	א למנצח מזמור לדוד

2	ב השמים מספרים כבוד-אל ומעשה ידיו מגיד הרקיע

3	ג יום ליום יביע אמר ולילה ללילה יחוה-דעת

4	ד אין-אמר ואין דברים בלי נשמע קולם

5	ה בכל-הארץ יצא קום ובקצה תבל מליהם לשמש שם-אהל בהם

6	ו והוא--כחתן יצא מחפתו ישיש כגבור לרוץ ארח

7	ז מקצה השמים מוצאו--ותקופתו על-קצותם ואין נסתר מחמתו

8	ח תורת יהוה תמימה משיבת נפש עדות יהוה נאמנה מחכימת פתי

9	ט פקודי יהוה ישרים משמחי-לב מצות יהוה ברה מאירת עינים

10	י יראת יהוה טהורה--עומדת לעד משפטי-יהוה אמת צדקו יחדו

11	יא הנחמדים--מזהב ומפז רב ומתוקים מדבש ונפת צופים

12	יב גם-עבדך נזהר בהם בשמרם עקב רב

13	יג שגיאות מי-יבין מנסתרות נקני

14	יד גם מזדים חשך עבדך-- אל-ימשלו-בי אז איתם ונקיתי מפשע רב [ ( ) טו יהיו לרצון אמרי-פי והגיון לבי לפניך יהוה צורי וגאלי ]